अप्वः लुँ भण्डारण दुगु देय्

लुँ । विश्वया हे दकलय् थिकेगु धातुमध्ये छता । अले थ्व लुँ न्हियान्हिथं हे तस्कर जुयाच्वंगु समाचार वयाच्वंगु दु । न्हापा न्हापा जूसा त्रिभुवन विमानस्थलय् आपालं लुँ ज्वंगु समाचार वइगु खः । तर आः वयाः राजमार्ग लागाय् लुँ ज्वंगु समाचार अप्वः पिहां वयाच्वंगु दु । न्हापा विमानस्थलं लुँ तस्करी जुइगु थासय् आः वयाः राजमार्गं तस्करी जुइगु यानाच्वंगु दु ।

तस्करीया मार्ग हिउसां लुँ तस्करी जुइगु क्रमय् धाःसा म्होति वःगु मदु । अझला थ्व लुँ धइगु अज्याःगु धातु खः, गुकिं मनू जक मखसे देय्यात हे तःमिया धलखय् तकं दुथ्याकेफु । अर्थात थ्व लुँ मनू जक मखसे देय्या नं सम्पत्तिया सूचकया रुपय् कायेगु याः । गथे लुँया तिसाज्वलं दुम्ह वा आपालं लुँ तयातःम्ह मनूयात सम्पन्न तायेकीगु खः, अथे हे आपालं लुँ दुगु देय्यात धनी राष्ट्रया रुपय् कायेगु याः ।

विश्वया आपालं हे देशय् लुँया भण्डारण जुयाच्वंगु दु । दक्वं देशय् थुलि हे मात्राय् लुँया भण्डारण दु धकाः धायेफुगु स्थिति धाःसा मदु । यद्यपिं विश्वय् दकलय् अप्वः लुँ दुगु देय् छु छु धकाः धायेफुगु स्थिति धाःसा दु । दकलय् अप्वः लुँ भण्डारण जुयाच्वंगु देय्या धलखय् अमेरिका न्हापांगु थासय् दु । अमेरिकाय् ८,१३३.५ टन लुँया भण्डारण दु ।

अमेरिका लिपा निगूगु थासय् जर्मनी दु । जर्मनीयाके ३,३८१ टन लुँ भण्डारण जुयाच्वंगु दु । लुँ भण्डारणया ल्याखं विश्वय् निगूगु थासय् दुगु देय् जर्मनी युरोपेली राष्ट्रया धलखय् न्हापांगु थासय् लाःगु देय् खः । वयां लिपा इटालीयाके २,४५२टन, फ्रान्सया धुकुतिइ २,४३६ टन लुँ दुसा न्यागूगु थासय् एशियाली राष्ट्रनापं विश्व अर्थतन्त्रय् उदीयमान राष्ट्रया रुपय् न्ह्यःने वयाच्वंगु चीनयाके १,७६२ टन लुँ दु ।

वल्र्ड गोल्ड काउन्सिलयाकथं दकलय् अप्वः लुँ दुगु देय्या धलखय् खुगूनिसें झिगूगु थासय् रुस, स्वीट्जरल्याड, जापान, नेदरल्याण्ड व भारत दु । थुपिं देय्याके छसिकथं १,३९३ टन, १,०४० टन, ७६५ टन, ६१२ टन व ५५७.७ टन लुँ दु । न्ह्यइपुसे च्वंगु खँला थ्व दुकि सन् १९५० या इलय् जापानयाके मुक्कं ६ टन जक लुँ दुगु खःसा भारतय् नं सरकारयाके दुगु आधिकारिक लुँया परिमाण स्वयां नं अप्वः जनता व अनया देगलय् दु ।

सम्बन्धित बुखँ

LEAVE YOUR COMMENTS