सुजुकी बाइक व स्कुटरय् नगद छुट

येँ – सुजुकीया बाइक न्याइपिं आः जापान चाःहिउ वनेखनीगु ह्वःताः चूलाइगु जूगु दु । वंगु भदौ २० गते निसें कातिक ३० गते तकया दुने सुजुकीया बाइक वा स्कुटर न्याःपिं मध्ये झिम्हेसित लक्की ड्र पाखें ल्ययाः जापान चाःहिक छ्वइगु जूगु दु । अथेहे मोहनि स्वन्ति नखःया लसताय् सुजुकीया बाइक व मोटरसाइकल न्याःपिंत नगद छुट नं वइगु जूगु दु ।

सुजुकीया आधिकारिक विक्रेता भीजी अटोमोबाइलं नेपाःन्यंकंया गुगुं नं सुजुकी शोरुमं सुजुकीया स्कुटर न्यायेबलय् झिद्वः तका व बाइक न्यायेबलय् च्याद्वः तका नगद छुट बीगु खँ धाःगु दु । बाइक न्यायेबलय् फाइनान्स व एक्सेञ्च पाखें नं कायेफइगु खँ धाःगु दु । थ्व स्किम अवधि दुने कम्पनीं ४२०० गः स्कुटर व बाइक मीगु लक्ष्य तयातःगु खँ धाःगु दु ।