छु गुण दुपिंसं छु ब्वंसा बांलाइ
थुपिं गुण दुपिं विद्यार्थीं कमर्स कयाः ब्वंसा
फलिफाप जुइ –
१) संख्या नाप म्हिते न्ह्याःसा (क्यालकुलेशन आदि)
२) फिजिक्स केमेस्ट्रीइ इच्छा हे मदुसा
३) कत्ताक्क ज्या यायेगु बानी दुसा
५) पुचः नाप खेलकुद म्हिते यःसा
६) थःगु बिचाः प्रष्ट कथं मेपिनि न्ह्यःने थुइक तयेफुसा (क्ष्लतभचउभचकयलब िकपष्िि)
७) थःत बिउगु ज्या जिम्मा कयाः याकनं व बांलाक यायेगु बानी दुसा
८) पुचः नाप ज्या यायेबलय् मेपिंत नं प्रोत्साहन बियाः ज्या याके व याकेफुसा ।
थुपिं गुण दुपिं विद्यार्थीं आर्ट ब्वंसा फलिफाप जुइ
१) छुं नं सफू बुखँ ब्वनेगु मन दुसा
२) थीथी साहित्यिक किताब, नोबल वा फिचर्स सफू ब्वने मास्ति वःसा
३) नेपाली, मातृभाषा वा अंग्रेजी भासय् दख्खल दुसा
४) सृजनात्मक ज्याखँ यानाच्वने मास्ति वःसा
५) कविता, बाखं, निबन्ध, नियात्रा च्वयेगु इच्छा दुसा
६) सामान्य ज्ञान व समसामयिक घटनाय् इच्छा दुसा
७) आखः ब्वनेगु बाहेक न्ववायेगु, न्हिइकेगु, चित्रकला, म्येँ हालेगु, प्याखं हुलेगु इच्छा दुसा
८) समाजयात छुं कि छुं यानाःक्यनेगु, समाजय् छुं नं कथंया सकारात्मक परिवर्तन हयेगु इच्छा दुसा
९) थःम्हं यानाच्वनागु ज्याय् थःके कन्फिडेन्स दु, इलय् सिधयेके फु धयागु आत्मविश्वास दुसा
१०) धैर्यता दुसा, छुं नं ज्या यायेबलय् स्यंसां, भिंसां, ताःमलाःसां, याकनं ज्या मजूसां धैर्य जुयाः ज्या यायेफुसा ।
थुपिं गुण दुपिं विद्यार्थीं साइन्स कयाः ब्वंसा फलिफाप जुइ
१) आखः ब्वनेगुलिइ ध्यान व मन दुसा, १ घण्टा २ घण्टा आखः ब्वनाः म्हालंका धायेगु बानी मदुसा
२) फिजिक्स, केमेस्ट्री, बायोलोजी, बोटनी विषय ब्वनेगु तीव्र इच्छा दुसा
३) म्याथम्याटिक्स विषयय् मेपिं सिबें अप्वः ज्ञान दुसा, हिसाब यानां तुं च्वनेगु इच्छा दुसा
४) आविष्कार यायेगु, न्हून्हूगु प्रविधियात आत्मसात यायेगु बानी दुसा
५) कडा मेहनत यायेगु इच्छा व बानी दुसा
६) देश विदेशय् विज्ञान व प्रविधिया ख्यलय् जुयाच्वंगु गतिविधि सीकेगु इच्छा दुसा वा थःगु विषयनाप स्वाःगु ज्या गन जुयाच्वंगु दु धयागु सीकेगु इच्छा दुसा ।
७) प्रविधि नाप डिजिटल संसारया बारे ज्ञान कालबिल यायेगु इच्छा दुसा
दकलय् लिपा, साइन्स, कमर्स, आर्टस थुपिं स्वतां संकाय सुं स्वयां सुं कम मजू, उलि हे स्पेस दु । स्वता मध्ये न्ह्यागु संकायपाखें नं थःगु व्यक्तित्व विकास यायेफु, मात्र थुलि कि थःत थःम्हं म्हसीकाः जक ब्वनेगु यायेमाः । थःके व विषय ब्वनेगु निंतिं स्वता गुण दु कि मदु, व निं स्वयेमाः ।
स्वता गुण – क्षमता (Ability), Interest (इच्छा) व skills (दक्षता) । थुलि गुण बारे थःम्हं हे बिचाः यानाः थःगु यात्रा न्ह्याकादिसँ, छिगु सफलता छिगु हे ल्हातय् दु । छितः भविष्ययाम्ह स्यल्लाःम्ह गतिलाःम्ह व ज्याख्यलय् दुम्ह व्यक्तित्व कथं स्वये दयेमा, नापलाये दयेमा, थ्व हे भिंतुना ।
LEAVE YOUR COMMENTS