
येँ – नेपाल स्वयमसेवी रक्तदाता समाजया गुल्मी शाखा गठन याःगु दु । स्थानीयतय्गु छगू भेलां समाजया गुल्मी शाखा गठन याःगु खः ।
समाजया केन्द्रीय अध्यक्ष प्रेमसागर कर्माचार्यया प्रमुख आतिथ्यताय् जूगु भेलाय् शाखा गठनया निंतिं च्वयातःगु ब्यानर वाचन यानाः भेलाया उलेज्या याःगु खः ।
शेरबहादुर थापाया सभापतित्वय् जूगु भेलाय् विशेष पाहांकथं जिल्ला अस्पतालया मेडिकल सुपरिटेन्डेन्ट डा. उत्तम पच्या, पाहांकथं जुवानन्द बेलवासे, दीपक राना झायादीगु खः । उगु भेलां नवराज मरासिनीया अध्यक्षताय् समाजया गुल्मी शाखा गठन याःगु दु ।
शाखाया उपाध्यक्षय् केपी भण्डारी, सचिवय् कृष्णप्रसाद पाण्डे, कोषाध्यक्षय् भेषराज पाण्डे (ध्रुव) च्वनादीगु दुसा दुजलय् अर्जुन भण्डारी, सन्तोषकुमार क्षेत्री, जनार्दन विष्ट, राजु मरासिनी, वीरबहादुर कार्की च्वनादीगु दु ।
नवगठित जिल्ला समितिया पदाधिकारीपिंत केन्द्रीय अध्यक्ष कर्माचार्यं सपथ ग्रहण याकादीगु खःसा ज्याझ्वलय् वय्कःयात खादां क्वखायेकाः मतिनाया चिं नं लःल्हाःगु खः ।
LEAVE YOUR COMMENTS