प्रधानमन्त्री ओलीपाखें पद व गोपनीयताया सपथ

येँ–नेकपा (एमाले)या अध्यक्ष केपी शर्मा ओलीं प्रधानमन्त्रीया सपथ ग्रहण यानादीगु दु । शीतल निवासय् जूगु छगू विशेष ज्याझ्वःया दथुइ प्रधानमन्त्री ओलीं राष्ट्रपति विद्यादेवी भण्डारीपाखें पद व गोपनीयताया सपथ कयादीगु खः ।
सपथ ग्रहण लिपा प्रधानमन्त्री ओलीं स्वम्हेसिया मन्त्रिमण्डल नं गठन यानादीगु दु । प्रधानमन्त्री ओलीया सिफारिसय् राष्ट्रपति भण्डारीं लालबाबु पण्डित व थममाया थापायात मन्त्रीइ नियुक्त यानादीगु खः ।
पण्डित जनसंख्या व वातावरण मन्त्री जुयादीगु दुसा थापा महिला तथा बालबालिका मन्त्री जुयादीगु दु । वय्कःपिं निम्हेसिनं राष्ट्रपति समक्ष पद व गोपनीयताया सपथ ग्रहण यानादीगु दु । वय्कःपिं निम्ह एमालेया सांसद खः । ल्यं दुगु मन्त्रालय प्रधानमन्त्री ओली थःके हे तयादीगु दु ।
थ्व स्वयां न्ह्यः थौं हे सुथय् राष्ट्रपति भण्डारीं ओलीयात प्रधानमन्त्रीइ नियुक्त यानादीगु खः ।
उखे न्हूगु सरकारय् माओवादी केन्द्रं धाःसा सुं नं मन्त्री जूगु मदु । पार्टी दुने सहलह जुयाच्वंगु व मन्त्रालयया भागबन्डाय् खँ मिले मजूगुलिं पार्टीपाखें मन्त्री जुइ पिनिगु नां मछ्वःगु खः ।