यलय् स्पिड ब्रेकर चिइकीगु

यल – सवारी साधनया गति नियन्त्रणया निंतिं तयातःगु स्पिड ब्रेकरया कारणं दुर्घटना अप्वयेवं यल महानगरपालिकां अज्याःगु स्पिड ब्रेकर चिइकीगु जूगु दु ।
स्पिड ब्रेकरया कारणं दुनेया सतकय् न्हियान्हिथं धयाथें सतक दुर्घटना जुयाच्वंगु खँ ट्राफिक प्रहरीं धाःगु दु । थुकियात चिइकेमाल धकाः यक्व हे नगरवासी महानगरपालिकाय् वयाच्वंगु खँ मेयर चिरिबाबु महर्जनं धयादीगु दु ।

वय्कलं धयादिल, ‘छुं न्हि न्ह्यव ला छम्ह मनू ल्हाः त्वःधूसां ज्याकुथिइ वयाच्वन ।’ यलया दुनेया लँय् चिहाकःगु दूरीइ हे यक्व स्पिड ब्रेकर तयातःगु दु ।थुकिं दुर्घटना अप्वयाच्वंगु खँ धाःगु दु ।

थज्याःगु स्पिड ब्रेकर चिइकेगु लिसें मेथाय् नं गनं न्हूगु स्पिड ब्रेकर दयेके मबीगु योजना महानगरपालिकाया दु । मेयर महर्जनं धयादीगु दु, ‘जिमिसं गुलिखे थासय् चिइके धुनागु दु, ल्यं दनिथाय् नं चिइकायंकाच्वनागु दु ।’

सम्बन्धित बुखँ

LEAVE YOUR COMMENTS