गुथि विधेयक विरुद्ध सक्व नं जुलुस

येँ – सरकारं संघीय संसदय् हःगु गुथि सम्बन्धी विधेयकया विरोधय् सक्व व गोकर्णया स्थानीयत नं आन्दोलनय् कुहां वःगु दु । विधेयकं लिच्छविकालीन कालंनिसें न्ह्याना वयाच्वंगु धर्म, संस्कृति, परम्परा, न्हना वनीगु धासें सक्व व गोकर्णया स्थानीय आन्दोलनय् कुहां वःगु खः ।

सक्वय् गुथि विधेयक विरुद्ध पिहां वःगु ¥याली सांस्कृतिक बाजंलिसें नगर परिक्रमा याःगु खः । स्थानीयवासीतय्सं सलंसः दँ न्ह्यवंनिसें न्ह्याना वयाच्वंगु परम्परा न्हंके मजिउ धासें विधेयक लित कायेत माग याःगु दु । सक्वय् माधवनारायण, वज्रयोगिनी लगायत थीथी स्वीगू स्वयां अप्वः गुथि दयाच्वंगु दु ।

अथे हे सक्वया सदावर्त गुथिं जोरपाटी स्वयां च्वय् फल्चा दयेकाः बासं च्वं वइपिंत छमना जाकि लगायत चछि बासं च्वनेगु निंतिं माःगु व्यवस्था याना वयाच्वंगु दु । थुकथं हे गोकर्णेश्वर नगरपालिका वडा नं. ४या ऐतिहासिक मानदेवकालीन महाद्यः व कान्तिभैरव लगायत आपालं गुथि दयाच्वंगु दु ।

अज्याःगु गुथि जग्गाया हे लिधंसाय् पुजा यायेगु नापं जात्रा संचालन जुया वयाच्वंगु दुसा रकमीतय्त नं खान्कीया व्यवस्था याना वयाच्वंगु दु । गोकर्णवासीतय्सं देशे धइगु थासंनिसें जोरपाटीतक छगू ¥याली पिथनाः कोणभसा याःगु खः ।