नेप्से थहां वनाः कारोवार रकम कुहां वन

येँ – वाःया सुरुया निन्हु तक कुहांवंगु शेयर बजाः मंगलवाः सामान्य थहांवंगु दु । नेपाल स्टकया कथं मंगलवाः नेप्से परिसूचक ४.४२ अंकं थहां वनाः १३१२.१४ अंकंय् थ्यंगु दु । मेखे नेप्से परिसूचक थहां वंसां कारोवार रकम धाःसा कुहां वंगु दु ।

वंगु आइतवाः व सोमवाः निन्हु तक कारोवार रकम थहां वनाः परिसूचक कुहां वःगु खःसा मंगलवाः थुकिया ठीक अःखः कारोवार रकम कुहां वनाः परिसूचक थहां वंगु खः । स्टकया कथं मंगलवाः १७३ गू कम्पनीया ८१ करोड ४४ लाख ५२ हजार २६७ तका बराबरया ३१ लाख २ हजार २८४ कित्ता शेयर न्यायेमी जूगु खः ।