हुण्डी कारोवार याइपिं स्वम्ह ज्वन

येँ – अवैध हुन्डीया कारोबार याइपिं स्वम्हेसित प्रहरीं ज्वंगु दु । महानगरीय प्रहरी वृत्त गौशाला व महानगरीय प्रहरी परिसर येँया पुचलं आइतवाः चाबहिलिं उमित ज्वंगु खः । ज्वंपिं सुनिल राई, अर्जुन राइ व जगत खड्का खः ।
प्रहरीं उपिंपाखें ३९ लाख ८९ हजार तका दां नं बरामद याःगु दु । विशेष सुचंया आधारय् उपिं च्वनाच्वंगु डेराय् हे वनाः प्रहरीं उमित ज्वंगु खः । उमिसं नेपाल लिसें भारत, चीन, अष्ट्रेलिया दुबई लगायत देशय् हुन्डीया कारोवार याना वयाच्वंगु प्रारम्भिक अनुसन्धानय् सीदुगु दु ।

उमिसं १ लाख तका दां हुण्डी याःगु वापत सेवाग्राहीपाखें २ हजार तका तका कायेगु यानाच्वंगु खँ नं प्रहरीं लुइकूगु दु ।
थथे हुण्डी कारोबार याइपिनिगु एजेन्ट निगुलिं देशय् दइ । प्रहरीया कथं हुण्डी कारोबार याइपिंसं थःपिनिगु सुचं गोप्य यायेगु निंतिं ह्वाट्सएप व वीच्यात छ्यलेगु यानाच्वंगु दु । ह्वाट्सएप भारतय् व वीच्याट चीनय् अप्वः छ्यलीगु सामाजिक सञ्जाल खः । थ्व मार्फत कारोवार यायेबलय् अप्वःस्या ध्यान मबीगु खनेदु ।

सम्बन्धित बुखँ

LEAVE YOUR COMMENTS