‘शंखधर’ ज्वः मदुगु उपन्यास
येँ – नेवाः न्ह्यलुवा लिसें उपन्यासकार मल्ल के. सुन्दरं च्वयादीगु ऐतिहासिक उपन्यास ‘शंखधर’ या खस नेपाली भासं जुयाच्वंगु अनुवाद सफू शुक्रवाः विमोचन जुल ।राष्ट्रिय विभूति शंखधर साख्वाः प्रतिष्ठानया ग्वसालय् जूगु ज्याझ्वलय् वाङ्मय शताब्दी पुरुष सत्यमोहन जोशीं उगु सफू विमोचन यानादीगु खः । ज्याझ्वलय् उपन्यासया समीक्षा यानादिसें समालोचक डा. अभि सुवेदीं इतिहासया छुं विषययात कयाः थुलि दुग्यंक च्वयातःगु उपन्यास नेपाली भाषाय् पिहां वःगु मदुनि धासें आः च्वमि मल्लया मेमेगु उपन्यास नं नेपाली भासं पिहां वये माल धयादिल ।
ज्याझ्वलय् नेपाल प्रज्ञा प्रतिष्ठानया कुलपति गंगाप्रसाद उप्रेति, नेपालभाषा एकेदमिया चान्सलर चित्तरंजन नेपाली, जनकवि दुर्गालाल श्रेष्ठपिंसं नं सफूया बारे नुगःखँ तयादीगु खः । अथे हे ज्याझ्वलय् मध्यपुर थिमि नगरपालिकाया मेयर मदनसुन्दर श्रेष्ठ शंखधर प्रतिष्ठानया श्यामकृष्ण मानन्धरया चन्दनकृष्ण श्रेष्ठपिंसं नं न्ववानादीगु खः ।
च्वमि मल्लया उगु सफू मेम्ह च्वमि अगिव बनेपालीं खस नेपाली भासं भाय्हिलादीगु खः ।
LEAVE YOUR COMMENTS