रामेछापया मानन्धर मस्त बारे चिउताः

येँ – रामेछाप जिल्लाया खनियापानी गामय् च्वंपिं स्थानीय मानन्धर समुदायया मस्तय्त अन हे तयाः आखः ब्वंकेगु लागिं छु याःसा जी धकाः केन्द्रीय मानन्धर संघं खँल्हाबल्हा ब्याकूगु दु । अन च्वंपिं स्थानीय मानन्धरत ख्वपया थीथी अप्पा भट्टाय् अप्पा छीगु ज्या याः वनीगु व उगु इलय् उमिसं मस्त नं नापं ब्वना यंकाः भट्टाय् ज्या याका तइगु बारे ‘नेपालभाषा टाइम्स’य् समाचार पिहां वयेवं केन्द्रीय मानन्धर संघं थुकिया बारे खँल्हाबल्हा ब्याकागु खँ संघया छ्यांज्ये गजेन्द्र मानन्धरं कनादीगु दु ।

संघपाखें खनियापानीया मानन्धर सेवा समाजया छ्यांज्ये चक्रबहादुर मानन्धरयात स्वापू तयाः मांअबुपिं भट्टाय् ज्या याः वंसां मस्तय्त ज्या याके मजिउगु व उमित अन हे च्वंगु स्कूलय् तयाः आखः ब्वंके माःगु बारे खँल्हाबल्हा जुयाच्वंगु खः ।
गामय् च्वंपिं मांअबुपिं सकलें ख्वपय् ज्या याः वनीबलय् मस्त जक छेँय् लाइगु जुल धासें उमिसं मस्तय्त नं थः नापं तुं ज्याय् यंके मालाच्वंगु खँ कनेगु यानाच्वंगु दु । केन्द्रीय मानन्धर संघं मस्तय्गु भविष्यया लागिं आः हे ज्या याके मजिउ, स्कूलय् आखः ब्वंके हे माः धासें उकिया लागिं संघं छु ग्वाहालि याःसा जी धकाः सहलह ब्याकाच्वनागु खँ धाःगु दु ।

नेपालभाषा टाइम्स

च्वमिया मेमेगु

• पहिचानवादी आन्दोलनय् गोलीप्रहार
• विश्वया न्हयाथाय् च्वंसां नेवाःतय्सं थःगु संस्कृतियात म्वाका वयाच्वंगु दु– प्रम दाहाल
• तिलौराकोटयात नं विश्व सम्पदा धलखय् दुथ्याकीगु
• किपुली बुंगद्यःया झ्वाता पलिस्था विवाद ः वार्ता यानाः हे समाधान मालीगु
• ज्वेल्स सहकारीया वृहत् स्वास्थ्य शिविर