हाःपिं हालांच्वन,भ्यू टावर दयेकांच्वन

येँ – छुं महिना न्ह्यवंनिसें दिनाच्वंगु पुलांगु बसपार्कस्थित भ्यू टावरया डीपीसी लेभल ९५ प्रतिशत क्वचाःगु खँ धाःगु दु । दछिया दुने डीपीसी लेभलया फुक्कं ज्या क्वचायेकेगु आज्जु कथं ज्या जुयाच्वंगु खँ निर्माण कम्पनीं धाःगु दु । येँ महानगरपालियाके सुइदँया निंतिं लिजय् कयाः दयेकाच्वंगु थ्व भ्यू टावरया निर्माण ज्या ठेकेदार कम्पनीयात एपेक्स बैंक घोटाला काण्डय् ज्वनेवं ज्या दिनाच्वंगु खः ।

२०७१ सालय् उपराष्ट्रपति नन्दबहादुर पुनं शिलान्यास याःगु भ्यू टावर स्वच्छन्द विकोई विल्डर्सयात टेन्डर लाःगु खः । नीनितँ जाः जुइगु टावर दयेकेगु निंतिं येँ मनपां नं निदँया ई थप यानाबिउगु दु । कम्पनीं ३२ दँ तक भ्यु टावर सञ्चालन यानाः येँ मनपायात लित बीमाःगु प्रावधान दु ।

भ्यु टावर दयेकेगु ज्या न्हापांम्ह ठेकेदारं याये मफयाः मेम्ह ठेकेदारयात बीगु ज्या समेत जुयाच्वंगु दु । वंगु कार्तिकय् मिग नेपाल नांगु मेगु कम्पनी दुहां वयेवं टावर दयेकेगु ज्यां तीव्रता काःगु खः । २३.५ रोपनी क्षेत्रफलय् न्यनाच्वंगु टावरया लागत ७ अर्ब ६४ करोड तका खः । न्हापा बसपार्क जुयाच्वंगु खुल्ला थासय् टावर दयेकेत्यंगु जुयाः स्थानीय जनता व जनप्रतिनिधितय्सं विरोध यायेवं मनपां नं बुझे यानाच्वंगु खःसां नं निर्माण धाःसा मदिकूगु खः ।

सम्बन्धित बुखँ

LEAVE YOUR COMMENTS