अपाङता जूपिंत थीथी हलंज्वलं व उपकरण वितरण

किपू- किपुलिइ दँय्दसं थें थुगुसी नं थीथी ज्याझ्वः यासें अन्तर्राष्ट्रिय अपा·ता दिवस हन । थ्व झ्वलय् किपू नगरपालिकां अन्तर्राष्ट्रिय अपा·ता दिवसया लसताय् नगर दुने अपा·ता जूपिंत थीथी हलंज्वलंलिसें उपकरण लःल्हाःगु दु ।

किपू नगरपालिकाया ग्वसालय् ३० क्वःगु अन्तर्राष्ट्रिय अपा·ता दिवसया झ्वलय् किपूया हे कृष्ण क्याटरिङय् जूगु ज्याझ्वलय् नगर दुनेया अपा·ता जूपिंत उकथं थीथी हलज्वलं व उपकरण लःल्हाःगु खः ।

किपू नगरपालिकाया उपप्रमुखलिसें अपा·ता समन्वया समितिया संयोजकतकं जुयादीम्ह सरस्वती खड्कां ज्याझ्वःया उलेज्या यासें कोरोना भाइरस (कोभिड–१९)या कारणं विचाः याःथें मखसे तसकं असहज परिस्थितिया दथुइ नं न्यायोचित ढंगं नगरपालिकां अपा·ता जूपिंत म्हसीका पौ इनेगु ज्या याःगु जानकारी बियादिल ।

किपू नगरपालिकां याःगु हरेक ज्याझ्वः अपा·तामैत्री जूगु धासें नगरपालिकाया न्हूगु भवन नं अपा·तामैत्री निर्माण यानागु खँ धयादिल ।
उपप्रमुख खड्का, प्रमुख प्रशासकीय अधिकृत कृष्णप्रसाद सापकोटा, लेखा शाखा प्रमुख प्रविणजंग शाही लगायतं अपा·ता जूपिंत ह्वील चियर, युस्टिक, हियरि· मेशिनलिसें मेशिनय् तयेगु ब्याट्री, कमोड चियर, तुयुगु कथि आदि हलज्वलं निःशुल्क वितरण यानादीगु खः ।
समितिया दुजःलिसें १० वडासदस्य संगीता उप्रेती श्रेष्ठं लसकुस यानादीगु ज्याझ्वलय् प्रमुख प्रशासकीय अधिकृत सापकोटा, डा. गोविन्द आचार्य, लक्ष्मी काफ्ले लगायतया व्यक्तिपिंसं नुगःखँ तयादीगु खः ।

सम्बन्धित बुखँ

LEAVE YOUR COMMENTS