थ्व दँय् विदेशय् ८०० नेपाःमि सित

येँ )÷वैदेशिक रोजगारीया झ्वलय् विदेशय् ज्या याः वनाच्वंपिं ८०० म्ह नेपाःमिया ज्यान थ्व दँय् वंगु दु । थुकी मलेसिया व साउदी अरबय् अप्वः नेपाःमि सीगु यानाच्वंगु दु ।
वैदेशिक रोजगार प्रवद्र्धन बोर्डया तथ्यांक कथं वंगु २०७५ वैशाख १ गते निसें २९ चैत तकया दुने मलेसियाय् २५३ म्ह सीगु दु । थ्व तथ्यांक बोर्डय् आवेदन बिउपिनिगु जक खः ।
अथे हे दछिया दुने साउदीइ सछिम्ह सीगु दु । उकी छम्ह मिसा खः । कतारय् १३१ व युएई ९२ म्हेसिया ज्यान वंगु बोर्डया तथ्यांक दु । अथे हे कुवेतय् ३७, दक्षिण कोरियाय् २०, बहराइनय् १२ व ओमानय् न्याम्ह नेपाःमिया ज्यान वंगु दु । २०७५ दुने वैदेशिक रोजगारीइ निंतिं वनाः सीपिं मध्ये २३ म्ह मिसा लाःगु दु ।
सरकारं वैदेशिक रोजगारया निंतिं ११० गू देय् खुल्ला याःगु दुसा वंगु दँय् २२ गू देशय् नेपाःमिया ज्यान वंगु दु । थ्व बाहेक नं विदेशय् वनाच्वंपिनि ज्यान वंपिं तर आर्थिक सहायता काःमवःपिं व कायेमफुपिं नं आपालं दनिगु खँ धाःगु दु । उमिगु नं ल्याः तयेगु खःसा सीपिनिगु ल्याः द्वछि स्वयां अप्वः जुइफुगु अनुमान दु ।
वैदेशिक रोजगारय् वनाच्वंपिं नेपाःमि अन हे सीगु अप्वया वनाच्वंसां नं सरकारयाके उकिया बारे पूवंक तथ्यांक धाःसा मदुगु खँ धाःगु दु ।