पत्रकार महासंघं ई–लाइब्रेरी संचालन याइगु

येँ – नेपाल पत्रकार महासंघं विद्युतीय पुस्तकाल (ई लाइब्रेरी) संचालन याइगु जूगु दु । महासंघं गैरआवासीय नेपाली संघ (एनआरएन)या आर्थिक व नेपाल लाइब्रेरी फाउण्डेसनया प्राविधिक ग्वाहालिइ अत्याधुकि सुविधासहितया पुस्तकालय संचालन यायेत्यंगु खः । विद्युतीय पुस्तकालयया निंतिं एनआरएनं न्हापांगु १५ गू व निगूगु चरणय् १५ गू यानाः स्वीगू लाख तका दां ग्वाहालि याइगु जूगु दु ।

पुस्तकालय संचालनया निंतिं निगू पक्षया दथुइ सैद्धान्तिक सहमति जुइधुंकूगु दुसा पुस्तकालयय् परम्परागत सपूmनिसें कयाः डिजिटलाइज्ड यानातःगु पाठ््य सामग्री नं तइगु जूगु दु । पुस्तकालय संचालन लिपा पत्रकारतय्त अन्तर्राष्ट्रिय तहय् जुइगु खोज, अनुसन्धानय् ग्वाहालि याइगु विश्वास महासंघया अध्यक्ष गोविन्द आचार्यं प्वंकादिल । उगु इलय् एनआरएनया अध्यक्ष भवन भट्ट व फाउण्डेसनया अध्यक्ष कपिलदेव थापां नं नुगःखँ तयादीगु खः ।