‘सफलताया नितिं न्ह्याबलेंया ग्वाहालिमि’

बाबा बचत तथा ऋण सहकारी संस्था लि. ख्वप जिल्लाया छगू नांजाःगु व प्रतिष्ठित सहकारी संस्था खः । थ्व संस्था वि.सं. २०५७ सालय् डिभिजन सहकारी कार्यालय, ख्वपय् दर्ता जूगु खः। बाबा साकोसया दर्ता नं ०२३÷०५६÷५७ खः । वि.सं २०७५ फाल्गुण मसान्त तक थ्व साकोसया दुजः ल्याः १३५० थ्यने धुंकल । थुगु हे न्हितक बाबा साकोसं शेयर पु“जी रु. ३,६६,८५,०००।–,बचत रु. २७,७६,३४,६९२।– व ऋण रु.२०,०९,३९,९८९।– थ्यंकेत ताःलाःगु दु ।

थ्व साकोसया आर्थिक स्थिति व जगेडा कोष सन्तोषजनक जूगुलिं यानाः सकल दुजःपिंसं थःगु लगानी व निक्षेप सुरक्षित तायेकू । थ्व साकोसया नायः रत्नमान श्रेष्ठ खः । वय्कःया नेतृत्वय् न्हय्म्ह सक्षम व अनुभवी सदस्य दुगु सञ्चालक समितिं संस्थाया मू भाला क्वबियाच्वंगु दु । संस्थागत सफलता वा दुजःपिनिगु हितया निंतिं लेखा सुपरिवेक्षण, ऋण, महिला सशक्तिकरण, शिक्षा कमिटी नं गठन यानातःगु दु, नापं संस्थाया व्यवस्थापन, दैनिक ज्या व दुजःपिंंत सन्तोषजनक सेवा प्रदान यायेगु निंतिं ७ म्ह कर्मचारीतय्गु व्यवस्थापन पुचः दु ।

बाबा साकोसं यक्व अवार्ड नं त्याके धुंकूगु दु । थ्व साकोसं दुजःपिनिगु आर्थिक स्थिति बल्लाकेत थीथी सेवा आर्थिक योजना व कार्यक्रम पितबियाच्वंगु दु । बाबा उच्च शिक्षा बचत योजना संस्थाया लोकंह्वाःगु योजना खः । थुगु योजनां बाबा साकोसया दुजःपिनि मस्तय्त उच्च शिक्षा ब्वंकेत ग्वाहालि यानाच्वंगु दु । उच्च शिक्षा ब्वनेत हःपाः बीत संस्थां हरेक साधारण सभाय् स्नातकोतर उतिर्ण याःपिंत हनेगु ज्या नं यानाच्वंगु दु ।

अथेहे थ्व संस्थांं दुजःपिनिगु भिं उसाँय् (स्वस्थ स्वास्थ्य)या निंतिं इलयब्यलय् सम्पूर्ण स्वास्थ्य परीक्षण यायेगु याः । संस्कृति, कला व वातावरण संरक्षण, स्वास्थ्य सचेतना, व्यक्तित्व विकास, मिसा सशक्तिकरण नापं कानुनी अधिकार विषयय् ज्याझ्वः न्ह्याकाः संस्थां थःगु सामाजिक दायित्व नं पूवंकाच्वंगु दु ।

सांस्कृतिक संरक्षणया क्षेत्रय् थिमिया बिस्काः जात्रायात तातुनाः धिमे प्याखं स्यनेगु, लय् छन्हु शनिवाः सहकारी अभियन्तानाप साक्षात्कार व बाग्लुंग जिल्लाया मिस्तय्त घरेलु स्यानिटरी प्याड दयेकेगु प्रशिक्षण बिउगु ज्यायात सकसिनं चर्चा यानाच्वंगु न्यने दु ।बाबा साकोसया नारा ‘सफलताया नितिं न्ह्याबलेंया ग्वाहालिमि’ (सफलताको लागि हरपल सहयोगि) खः ।

न्हयब्वःम्ह ः अधिबक्ता प्रिती श्रेष्ठ
कानूनी सल्लाहकार, बाबा साकोस

सम्बन्धित बुखँ

LEAVE YOUR COMMENTS