प्रेरक प्रशंग : मूर्खताया दण्ड

हेनरी थोरो अमेरिकायाम्ह तःधंम्ह चिन्तक व विचारक खः । व निद“ तक जंगलय् आश्रम दयेकाः च्वनाच्वंगु खः । उबलय् हे वं छम्ह किसानयाके छुं भचा जग्गा न्यानाकाल । थ्व जग्गा वयात तसकं हे कतिलाक लात । तर जग्गा मिइ धुंकाः किसान पस्ताय् चाल । छाय्कि वं थःगु जग्गा तसकं हे दंगु भावं मिइ लाकल ।

कन्हय्कुन्हु बहनी व थोरोयाथाय् वन अले बिन्ति बिन्ति यानाः धाल, ‘सर, थ्व जग्गा जितः लित बियादिस“ । जिमि कलाः जि खनाः तसकं तंचायाच्वन ।’

‘सर, छिं बरु छुं भचा हर्जाना कयादिस“ । जि गरीब खः । थुलिं अप्वः जिके मदु ।’ थोरोया ल्हातय् १० डलर तयाबिबिउ“ वं धाल ।

‘छ थः गरीब जुसेंलि हानं थ्व १० डलर छाय् बियाच्वनागु ले जितः ?’

‘थःगु मूर्खताया दण्ड । बजार भाः हे मसिइक थथे दंगु भावं जग्गा मिइगु धयागु मूर्खता मखुसा मेगु छु ?’ किसानं धाल ।

‘सि हे मसिइक बजार भाः स्वयां दंक थःगु चीज मिइगु छंगु मिखाय् मूर्खता खःसा सिइक सिइकं तूगु स्वयां यक्व हे दंगु भावं चीज कायेगु छु खः ले ? कृषक, छं गुलि नं धयाच्वन, व फुक्कं ला जितः खः मताः, अय्नं जितः ताः कि चायेक चायेकं तूगु स्वयां यक्व हे कम भावं छंगु जग्गा न्यानाः जिं अपराध यानागु दु । सुभाय् । छंगु जग्गा छंत हे लित बियागु जुल । थ्व छंगु १० डलर नं ज्वनाहु“ । गल्ती जिगु अले हर्जाना छं पुलेगु ला ?’ थोरों लिसः बिल ।