समुदाय–प्रहरी साझेदारी ,न्यू जेनिथया अभिमुखिकरण ज्याझ्वः

येँ –  न्यू जेनिथ मोडेल इंग्लिस स्कुल ताम्सिपाखाया ग्वसालय् म्हीग थनया परोपकार काष्ठमण्डप भेन्युइ स्कुलया मस्त व अभिभावकपिंत अभिमुखिकरण ज्याझ्वः जुल ।स्कुलया प्रिन्सिपल नापं प्रहरी विद्यालय सम्र्पक समितिया संयोजक राजु महर्जनया सभापतित्वय् जूगु उगु ज्याझ्वः मूपाहां महानगरिय प्रहरी प्रभाग जनसेवाया प्रमुख प्रहरी नायव उपरिक्षक बासुदेव खतिवडां त्वाः देवाय् मता च्याकाः उलेज्या यानादीगु खः ।

अथहे विशेष पाहांकथं जनसेवा सामुदायिक केन्द्रया उपाध्यक्ष पवित्र वज्राचार्य व येँमनपा १८ वडाया अध्यक्ष न्हुछेकाजी महर्जनपिं झायादीगु खः । ज्याझ्वःया प्रशिक्षक महानगरिय प्रहरी परिसर टेकूया प्रहरी नायव उपरिक्षक राजेन्द्र पौडेलं अभिभावक व मस्तय्त लागू औषधीया कुलत, साइवर क्राइम, मानव बेचबिखन, ट्राफिक नियमबारे विशेष जानकारी बियादीगु खः ।

सभापति नापं प्रहरी विद्यालय सम्र्पक समितिया संयोजक महर्जनं मानव समाजय् मदयेकं मगाःगु थुगु अभिमुखिकरण ज्याझ्वः आवंलि दँय् स्वक्वः तकयाना वनेगु खँ नं कनादीगु खः ।जानकारी बियादिल ।

 

 

सम्बन्धित बुखँ

LEAVE YOUR COMMENTS