लः यक्व दु, उपभोग म्हो

नेपालय् दँय्दसं छम्ह मनूया निंतिं ७००० घनमिटर बराबरया लः उपलब्ध जूसां नं उकिया उचित सदुपयोग जुइ मफयाच्वंगुलिं थुकिं छुं नं सार्थक लिच्वः लाके फयाच्वंगु मदु । बर्खाया इलय् अत्याधिक मात्राय् वा वःसां नं अज्याःगु लः मुका तयेगु वा उकियात बचे याना तये फयाच्वंगु मदु ।

नेपाः जलस्रोतय् तःमि जूगु धायेगु याःसां नं कुल उपलब्ध लःमध्ये २० प्रतिशत बराबरया लः जक सदुपयोग जुइ फयाच्वंगु दु । सदुपयोग जूगु लःमध्ये सिँचाइ, उर्जा, त्वनेत व औद्योगिक प्रयोगया निंतिं जक उपलब्ध दु । उपलब्ध जूगु लःमध्ये स्वच्छ व त्वनेत योग्य लःया मात्रा धाःसा तसकं म्हो जक दु ।

हिमाली व पहाडी क्षेत्रय् उपलब्ध लः त्वनेत योग्य जूसां नं तराई व समथर क्षेत्रय् उपलब्ध लः धाःसा उचित जूगु तायेकाच्वंगु मदु । विश्वन्यंकंया महासागरय् लः आपालं दुसां नं त्वने योग्य लः धाःसा म्हो जक दुगु सन्दर्भय् लःया सदुपयोगया विषयय् संसारन्यंकभनं हे चर्चा जूसां नं आतक सकारात्मक प्रभाव धाःसा लानाच्वंगु मदु ।

दँय्दसं चैत ८ अर्थात मार्च २२या न्हियात संसारन्यंकभनं हे ‘विश्व लः दिवस’ न्यायेकेगु यानाच्वंगु दु तर लःया सदुपयोगया बारे धाःसा चर्चा जक जुइगु तर कार्यान्वयनय् मवइगु प्रवृत्ति कायम जुयाच्वंगु दु । विशेषतः स्वनिगः दुने मानव सभ्यतालिसे स्वानाच्वंगु बागमति व विष्णुमति थेंज्याःगु खुसिइ लः स्वयां नं धःया मात्रा अप्वया च्वंगु दु ।

स्वनिगः दुने मानव सभ्यतालिसे स्वानाच्वंगु बागमति व विष्णुमति थेंज्याःगु खुसिइ लः स्वयां नं धःया मात्रा अप्वया च्वंगु दु । सहरी क्षेत्रय् उत्पादन जुइगु धः तप्यंक खुसिइ यंकाः ल्वाक छ्याइगुलिं पर्यावरणीय रुपं तकं उकिं लिच्वः लाकाच्वंगु दु ।

सहरी क्षेत्रय् उत्पादन जुइगु धः तप्यंक खुसिइ यंकाः ल्वाकछ्याइगुलिं पर्यावरणीय रुपं तकं उकिं लिच्वः लाकाच्वंगु दु । नीतिगत अस्थिरता व अवैज्ञानिक नीतिया कारणं अःपुकेया निंतिं खुसिइ धः ल्वाकछ्यायेगु ज्यां लः दूषित जुजुं वनाच्वंगु दु । लःया उचित सदुपयोग यासें मानव व प्राणी जगतया हितया निंतिं छुं याये धइगु लक्ष्ययालिसें सरकारं थ्व चैत ३ गतेनिसें ९ गतेतक ‘नेपाल राष्ट्रिय जल तथा मौसम सप्ताह–२०७५’ हनाच्वंगु दु ।

जल तथा उर्जा आयोगया सचिवालयय् सप्ताहया बारे जानकारी बीगु झ्वलय् पत्रकार सम्मेलन यासें बिउगु जानकारीकथं थुगु दँया लः दिवसया नारा ‘सुं नं त्वःमफीमा’ धइगु दु ।विश्व मौसम दिवसया उद्देश्य अनुरुप स्वच्छ लःया महत्व व हिला वनाच्वंगु जलवायु व स्थानीय मौसमय् उकिया लिच्वःया बारे जनचेतना न्यंकेगु व जलस्रोत व उकिया दिगो व्यवस्थापन बारे सर्वसाधारणनिसें नीति निर्माण तहतकया ध्यानाकर्षण यायेगु खः ।

अथे हे विश्वव्यापी रुपय् अप्वया वनाच्वंगु वातावरणीय समस्या व तापमानया कारणं लानाच्वंगु लिच्वःया बारे जानकारी बीगु लक्ष्ययालिसें थ्व हे चैत ९ गते विश्व मौसम दिवस न्यायेकीगु जूगु दु । उगु दिवसया नारा ‘जिगु सुद्र्यः, जिगु पृथ्वी व झीगु मौसम’ क्वःछिनागु आयोगया सहसचिव ऋषिराम शर्मां जानकारी बियादिल ।

लःया उपलब्धता व सदुपयोगया बारे ठोस ज्या यायेगु लक्ष्ययालिसें सरकारं खुसिइ बेसिनया गुरुयोजना दयेकेगु शुरु याःगु जानकारी बियादिसें सचिव माधव बेल्वासें बुद्धिमतापूर्ण प्रयोगया बारे जानकारी याकेगु झी सकसिगुं दायित्व जूगु धयादिल ।

‘लः जीवन खः’ धइगु विषययात थुइके जक फत धाःसां नं थज्याःगु दिवसया महत्व सार्थक जुइगु न्ह्यथँसें सचिव बेल्वासें पर्यावरणया सुरक्षा व जीवजगतया रक्षाया निंतिं तकं लःया आवश्यक जूगु स्पष्ट यानादिल । लः व वातावरणया जानकारी बीत छवाःयंकं थीथी ज्याझ्वः याना वयाच्वनागु जलस्रोतया जानकार महेन्द्रबहादुर गुरुङया धापू दु ।

सम्बन्धित बुखँ

LEAVE YOUR COMMENTS