ख्वपया नाकाय् कडाई

ख्वप (नेपालभाषा टाइम्स) – कोरोना भाइरस संक्रमण नियन्त्रण यायेत ख्वप नगरपालिकां म्हिगःनिसें नगरपालिकाय् दुहां वयेगु नाकाय् कडाई याःगु दु। पिनें मनूत निर्वाध रुपं ख्वपय् दुहां वयाच्वंगु धासें नगरपालिकां ख्वपय् दुहां वइपिनिगु विवरण मुंकूगु दु । म्हिगःनिसें माःगु निगरानी यायेगु निंतिं नगरपालिकाया कर्मचारी खटे याःगु खः ।

ख्वपय् नं संक्रमिततय् ल्याः अप्वया वनाच्वंगु व नागरिकया जीवन रक्षाया निंतिं फुक्कं कथंया उपाय नालेगु खँ नगरप्रमुख प्रजापतिं धयादीगु दु। ख्वपय् दुहां वइगु मू नाकात सल्लाघारी-नगरकोट सतक, कासान पुल, वन्ती, यातुमहादेव, शारदा क्याम्पस, गोसँ, नाला सतक, थुसाचा, हनुमानघाट, भेलुखेल, राममन्दिर, बाराही व दूधपाटीइ म्हिगः निसें नगरपालिकाया कर्मचारी खटे याःगु खः ।