विदा थपे मयाःगुलिं जनजातिया विरोध

येँ –वि.सं. २०७६ सालया सार्वजनिक बिदाय् थीथी आदिवासी जनजातिं हनीगु पर्वयात बिदा मबिउगु खँयात नेपाल आदिवासी जनजाति महासंघ लगायत थीथी जनजाति खलः पुचःतय्सं विरोध याःगु दु । सरकारं म्हीग राजपत्रय् छापे याना हःगु २०७६ सालया सार्वजनिक विदाया धलखय् न्हापा क्वपाःगु आदिवासी जनजातिया छुं हे बिदा थपे याना महःगु खः ।

न्हूगु धलखय् नं राष्ट्रिय विदा १५ न्हु जक बियातःगु दु । सरकारया थ्व नीतियात थाय्थासं प्रतिरोध यायेगु लागिं नं जनजाति खलः पुचःतय्सं आह्वान याःगु दु ।