विद्यालयया लापर्वाहीं झण्डै जाँच बी मखनेत्यंगु..

येँ – विद्यालयया लापर्वाहीं यानाः झण्डै जाँच बी मखनेत्यंपिं च्यागू तगिंया द्वःछिम्ह विद्यार्थीतय्सं आः जाँच बी दइगु जूगु दु ।

येँ महानगरपालिकाया परीक्षा समितिं थ्व व्यवस्था याना बिउगु खः। विद्यालयं लापर्वाही याःगु कारणं विद्यार्थीया भविष्य जोखिमय् लाके मजिउ धासें विद्यार्थीयात परीक्षा बीकेगु तयारी याःगु खः। थ्व लापर्वाहीया लागिं सम्बन्धित विद्यालयतय्त स्पस्टीकरण कायेगु व वयां लिपा जक विद्यालयय् न्ह्यसःपौ छ्वयेगु निर्णय नं समितिं याःगु खः।

येँ महानगरपालिकां च्यागू तगिंया परीक्षा कायेगु निंतिं वंगु दँनिसें अनलाइनपाखें फारम भरे यायेगु निर्णय याःगु खः। तर नीगू विद्यालयं थ्व ज्याय् लापर्वाही याःगु कारणं द्वःछि स्वयां अप्वः विद्यार्थीत परीक्षां बञ्चित जुइमालीगु अवस्था वःगु खः। कामपा शिक्षा विभागं तःक्वःमछि निर्देशन बिलं नं विद्यालयं अटेरी याःगु खँ धाःगु दु ।

सम्बन्धित बुखँ

LEAVE YOUR COMMENTS