स्वंगू कम्पनीया शेयर सुचीकृत
येँ – नेपाल स्टक एक्स्चेञ्जं थ्व वालय् जक स्वंगू कम्पनीया बोनस शेयर सुचीकृत याःगु दु । नेपाल स्टकया कथं थ्व वालय् सेन्ट्रल फाइनान्सया ६ लाख ६३ हजार ८४६ कित्ता बोनस शेयर, सप्तकोशी डेभलपमेन्ट बैंकया १ लाख ५२ हजार ५५३ कित्ता बोनस शेयर व मेगा बैंकया १० लाख ३० हजार ९४८ कित्ता बोनस शेयर सुचिकृत जूगु खः ।
थ्व वालय् नं शेयर बजाः बांमलानाः समग्र शेयर बजाःया मापन याइगु नेप्से परिसुचक २७ अंकं कुहां वन । नेप्से आः ११२७.७७ अंकय् थ्यंगु दु । अथेहे तःधंगु कम्पनीया शेयर मापन याइगु सेन्सेटिभ इन्डेक्स नं ५.८४ अंकं कुहां वन ।
थ्व वालय् दकलय् अप्वः नेपाल टेलिकमया १ खर्ब २ अर्ब ६० करोड तका बराबरया शेयर कारोवार जूगु दु । टेलिकम धुंकाः नबिल बैंकया ५५ अर्ब ३० करोड ५५ लाख ८५ हजार २०० तका व नेपाल लाइफ इन्स्योरेन्सया ४८ अर्ब ८० करोड ४९ लाख ७ हजार ४६० तका बराबरया शेयर कारोवार जुल ।
LEAVE YOUR COMMENTS