सिर्जनात्मक कला बारे गोष्ठि

येँ – नेपाल ललितकला प्रज्ञा प्रतिष्ठानय् सिर्जनात्मक कला महोत्सव–२०७५ अन्तर्गत सिर्जनात्मक कला बारे छगू गोष्ठि जुल । प्रतिष्ठानया वास्तुकला व मेमेगु सिर्जनात्मक कला विभागया ग्वसालय् उगु गोष्ठि जूगु खः । गोष्ठिइ नवानादीपिं वक्तातय्सं देय्या सामाजिक सशक्तिकरणय् सिर्जनात्मक कला विधि प्रभावकारी जुइ धासें कलाकारयात प्रोत्साहन बियाः उकियात व्यवस्थित रुपं न्ह्यःने यंकेमाःगु खँय् बः बियादीगु दु ।

लिसें गोष्ठिइ सहभागि अग्रज कलाकारतय्सं थुगु क्षेत्रय् वइपिं न्हू पुस्तायात अझ आकर्षित यानाः कला ख्यःया विकास व प्रवद्र्धन याना यंकेमाःगु खँय् नं बः बिउगु दु । ज्याझ्वलय् प्रतिष्ठानया कुलपति कान्छाकुमार (केके) कर्माचार्यं कलाकारतय्सं थःगु मेहनत व साधनाया माध्यमं सामाजिक अवस्थायात सिर्जनात्मक चित्रकलाया माध्यमं विचाः अभिव्यक्त यायेगु स्वयेमाः धयादिल ।

प्रतिष्ठानया उपकुलपति गोपाल चित्रकारं पुलांगु व न्हू पुस्तायात दथुइ अन्तक्र्रिया व अनुभवया कालबिल यायेगु ज्यापाखें हे जक कलाया विकासय् ग्वाहालि जू वनीगु विश्वास प्वंकादिल । गोष्ठिइ कार्टुनिष्ट क्लबया अध्यक्ष अविन श्रेष्ठं ‘नेपाली कार्टुनया वर्तमान चुनौती व थुकिया निराकरण’, शिक्षिका सौरगंगा दर्शनधारीं ‘नेपालय् भावभंगी कला (पर्फर्मेन्स आर्ट)’ व कलाकार मनिषलाल श्रेष्ठं ‘स्थापना कला’ बारे ज्यापौ न्ह्यब्वयादीगु खः ।

सम्बन्धित बुखँ

LEAVE YOUR COMMENTS