१८ वडाय् निःशुल्क मिखा शिविर

येँ – लोकतान्त्रिक सरोकार समूह १८ वडा व दृष्टि ः द भिजन आई सेन्टरया मंकाः ग्वसालय् थनया त्यंघलय् त्वंगु श्री भक्त विद्याश्रम मा.वि.इ निःशुल्क मिखा जांचया शिविर जुल । शिविरय् मुक्कं स्वीम्हेसिनं थःगु मिखाया परीक्षण याकूगु खः । उकीमध्ये मोतिविन्दु खने दुपिं झिंच्याम्हेसित आई सेन्टरपाखें विशेष छ्यापंलिसें मिखाया अप्रेसनया व्यवस्था याःगु खः ।

समूहया नायः पुरुषोत्तमलाल सिंहं शिविर ग्वाहालि यानादीपिं स्वास्थ्य टोलियात खादां क्वखायेकादीगु खःसा न्वकु सरोजकुमार श्रेष्ठं प्रशंसा पत्र लःल्हानादीगु खः । ज्याझ्वलय् सेन्टरया निर्देशक डा. रोहित सैंजूं सुभाय् देछानादीगु खः ।