बेरोजगारया भत्ता काये अःपु मजू

येँ – सरकारं बेरोजगारयात जागिर बीगु व जागिर बीमफुत धाःसा भत्ता बीगु योजना वइगु चैत १ गते निसें शुरु यायेत्यंगु दु । उकिया लागिं नां दुकायेगु ज्या शुरु याइगु जूगु दु । म्हिगः छगू पत्रकार सम्मेलन यासें श्रममन्त्री गोकर्ण बिष्टं उकिया जानकारी बियादीगु खः ।

पत्रकार सम्मेलनय् मन्त्री बिष्टं सरकारं ७५३ गू स्थानीय निकायय् रोजगार संयोजक ल्ययेगु ज्या जुयाच्वंगु खँ कँसें फागुन महिना दुने फुक्कं प्रक्रिया क्वचायेकाः चैत १ गते निसें देय्न्यंक दुपिं बेरोजगारतय् नां मुंकीगु खँ कनादिल ।सरकारं बेरोजगार भत्ता बीगु धाःसां थ्व भत्ता कायेत उलि अःपु धाःसा मजूगु खँ सीदुगु दु ।

बेरोजगार भत्ता कायेगु निंतिं प्रक्रिया तसकं जटिल जक मखु थ्व छगू लोकप्रिय नारा जक जइफइगु आशंका सम्बन्धित विज्ञपिंसं याःगु दु ।
विज्ञतय् कथं जीवन निर्वाह भत्ता कायेगु निंतिं सरकारं बिस्कं कथंया मापदण्ड दयेकातःगु दु गुकिं छखा छेँया परिवारय् सुं नं दुजःपिं संगठित संस्थाया रोजगारीइ मदुम्ह जुइमाः ।

सुं नं दुजः स्वरोजगार दुम्ह तकं जुइ मजिउसा अनौपचारिक क्षेत्रं जुइगु आम्दानी तकं प्रति व्यक्ति आय स्वयां म्हो जुइमाः । अथेहे वैदेशिक रोजगारी वंपिं, थीथी सरकारी कोषपाखें गथेकि नागरिक लगानी कोष, सञ्चय कोष, सामाजिक सुरक्षा कोष थेंज्याःगु कोषं अवकाश वा पेन्सन सुविधा काइपिंत नं थ्व सुविधा मबीगु खँ धयातःगु दु ।

 

सम्बन्धित बुखँ

LEAVE YOUR COMMENTS