नेवाः पत्रकार कोष दयेकेत सहलह
यल – नेवाः पत्रकारत ज्याया झ्वलय् पिहां वनेगु इलय् जुइगु समस्या ज्यंकेत नापं बिरामी जुइबलय् आर्थिक ग्वाहालि यायेगु ताः तयाः नेवाः पत्रकार कोष नीस्वंगु दु । पत्रकार कुमार रञ्जितया सभापतित्वय् थन जूगु सहलह ज्याझ्वलय् मूपाहां कथं हलिं नेवाः दबूया पुलांम्ह नायः डा. बालगोपाल श्रेष्ठ झायादीगु खःसा पाहां कथं नेवाः देय् दबूया नायः नरेश ताम्राकार, नेपालभाषा मंकाः खलः यलया नायः ऋषि प्रसाद श्रेष्ठ, गणेशराम लाछि, राजभाइ जकःमि, शोभा शाक्य, जीवन डंगोल, राजाराम श्रेष्ठ, रामकृष्ण कर्माचार्य, श्रीलक्ष्मी श्रेष्ठ झाःगु खः ।
नेवाः पत्रकार कोषया कमिटीपाखें छगू लख तका दां बीग बचं वःगु दुसा भाषाह्यमिपिं मोतिलाल शिल्पकार, मणिराज डंगोल, सूरबहादुर श्रेष्ठ, वीरेन्द्र कुमार जोशी, राजेन्द्र कुमार श्रेष्ठ, बि नन्द बैद्यपिंसं नं आर्थिक ग्वाहालिया बचं बियादीगु दु ।
LEAVE YOUR COMMENTS