रौतहटय् नं कोरोना खनेदत, १९दँया मिजंयात संक्रमण

येँ – रौतहटय् छम्ह मनूयात कोरोनाया संक्रमण जूगु दु । रौतहटय् च्वंम्ह १९दँया मिजंयात संक्रमण खनेदुगु पुष्टि राष्ट्रिय जनस्वास्थ्य प्रयोगशालां याःगु दु । क्वारेन्टाइनय् च्वनाच्वम्ह उम्ह मिजंया स्वाब परीक्षणया झ्वलय् पोजेटिभ खनेदुगु खः । थ्व नापं नेपालय् कोरोनाया संक्रमितय् ल्याः १४म्ह थ्यंगु दु ।

थ्वस्वयां न्ह्यः थौं हे कैलालीया लम्कीचुहाया ६५दँया मिसयात नं कोरोनाया संक्रमण जूगु खः । नेपालय् साेमवाः तक ५ हजार २ सय ९१म्ह मनूतय् कोरोना परीक्षण जुइधुंकूगु दु । देय्न्यंक १०३म्ह आइसोलेसनय् व ७ हजार १ सय ९१म्ह क्वारेन्टाइनय् च्वनाच्वंगु दु ।