हिमालयन उर्जायात शेयर पितबीत अनुमति

येँ – हिमालयन ऊर्जा विकास कम्पनीया साधारण शेयर याकनं पिहां वइगु जूगु दु । नेपाल धितोपत्र बोर्डं कम्पनीयात १४ करोड ८५ लाख तका बराबरया १४ लाख ८५ हजार कित्ता साधारण शेयर पितबीगु निंतिं अनुमति बिउगु दु । कम्पनीं शेयर पितबीगु निंतिं नबिल इन्भेस्टमेन्ट बैंकिङ्ग लिमिटेडयात विक्री प्रबन्धक नियुक्त यायेधुंकूगु दु ।

कम्पनीं थौंकन्हय् १२ मेगावाटया उपल्लो खिम्ती व ७ मेगावाटया माथिल्लो खिम्ती नं दयेकाच्वंगु दु । सहाराया हकप्रद सुचीकृत थ्वहे दथुइ सहारा विकास बैंकया ९ लाख ३ हजार ७२१ कित्ता हकप्रद शेयर सूचिकृत जूगु दु । नेपाल स्टकं मंगलवाः जक थ्व शेयर सुचीकृत याःगु खः । सहाराया चुक्ता पुँजी ७ करोड २९ लाख दुसा बजार पुँजीकरण ३३ करोड ५७ लाख थ्यनेधुंकूगु दु ।

ग्रिनलाइफं आयोजना प्रभावितपिंत साधारण शेयर बीगु ग्रिनलाइन हाइड्रोपावरं प्रभावित क्षेत्रया वासिन्दातये निंतिं मंगलवाः १८ करोड तका बराबरया १८ लाख कित्ता साधारण शेयर पितबिउगु दु । कम्पनीं क, ख व ग यानाः स्वंताजि कथं वर्गीकरण यानाः शेयर पितबिउगु खः । स्वताजिलय् नं लाःपिं स्थानीयतय्सं म्होतिं नं २० कित्ता निसें ९ हजार कित्ता तक शेयर आवेदन यायेफइगु खँ धाःगु दु ।कम्पनीं दोलखाया मार्बु खुसिइ ४० मेगावाटया खानिखोला जलविद्युत आयोजना दयेकाच्वंगु दु ।

सम्बन्धित बुखँ

LEAVE YOUR COMMENTS