नकली ज्या याइगु कारखाना मिं नल

येँ- थनया चागलय् च्वंगु छगू चकलेट कारखाना म्हिगः मिं नःगु दु । चकलेट दयेकेत च्याकूगु भट्टीया लिकसं डिजेल वानाः मिं नःगु खँ स्वय्म्भू प्रहरी वृत्तं ‘नेपालभाषा टाइम्स’यात धाःगु दु । कारखान मिं नयेवं उगु चकलेट कारखानाय् अवैध ज्या जुयाच्वंगु खँ सी दया वःगु खँ येँ मनपा १३ वडाया वडाध्यक्ष ध्रुवनाराणय मानन्धरं कनादीगु दु ।

वय्कलं कनादीकथं उगु कारखाना दुने विदेशं कच्चा पदार्थ हयाः चिचीधंगु पाउचय् थीथी नांजाःगु कम्पनीया स्याम्पु दयेकेगु, पाउडर दुरु प्याक यानाः नेपालय् उत्पादन जूगु धइगु स्टिकर तिकाः मीगु ज्या यानाच्वंगु खः । चकलेट फ्याक्ट्री धाःसां नं अन सुयातं नं दुत मछ्वइगु खँ कँसें वय्कलं नक्कली सामान उत्पादन यायेत माःगु ततःग्वःगु मेसिन तकं अन दुगुलिं तःधंगु हे अवैध ज्या जुयाच्वंगु खँ नं कनादिल । चकलेट कारखाना धाःसां अन स्याम्पुया पाउच, जेली चकलेट लिसें मेमेगु सामानया खोल नं लुया वःगु खः ।

मिं स्यायेत प्रहरी, स्थानीय जनता व दमकलं कुतः याःगु खः । अन न्यागः दमकल व निगः ट्यांकर वःगु खः । लिसें स्थानीय जनतां छेँया च्वं तकं लः लुनाः मि नियन्त्रणय् काःगु खः ।

सम्बन्धित बुखँ

LEAVE YOUR COMMENTS