लैंगिक न्याय व सुशासन सम्बन्धय् अभिमुखिकरण

येँ (नेपालभाषा टाइम्स)÷ जुम्ला व नुवाकोटया स्थानीय सरकारया अधिकृत व सरोकार–वालातय्त लैंगिक न्याय व सुशासन सम्बन्धय् क्षमता अवृद्धिया निंतिं स्वन्हुया अभिमुखिकरण जूगु दु ।

फेडरेशन अफ विजनेश एण्ड प्रोफेसनय् विमेन नेपालपाखें बिउगु थुगु अभिमुखिकरण ज्याझ्वलय् जुम्लाया गुठिचौर गापा व नुवाकोटया किस्पाङ्ग गापाय अध्यक्ष, प्रमुख प्रशाकीय अधिकृत, कृषि तथा महिला विकास शाखा प्रमुख, स्थानीय महिला सहकारीया पदाधिकारी, स्थानीय सामाजिक परिचालकतय्सं ब्वति काःगु खः ।

थुगु तालिमं लैंगिक मुद्दा व सशक्तिकरण, सुशासन व लैंगिक बजेट निर्माणय् स्थानीय सरकारया सरोकारवाला अधिकारी व सामाजिक परिचालकपिनि क्षमता अभिवृद्धि जुइगु खँ धाःगु दु ।

ज्याझ्वलय् टेवाया संस्थापक रिता थापाया संयोजनकय् लैंगिक मुद्दा व लैंगिक न्याया विषयय् सहलह केन्द्रीत जूगु खःसा डा. प्रधानं कम विकसित राष्ट्र, मध्यम स्तरया राष्ट्रय् स्तरोन्नति व केयर इकोनोमि विषयय् तालिम बियादीगु खः । अथेहे डा. संग्राम सिंह लामां सुशासन, लैंगिक योजना निमाृण व लैंगिक बजेट सम्बन्धी, डा. सुसन रिसालं नागरिक आवाज विषयय व डा. सुचिना प्याकुरेलं सुशासन व जनप्रशासनय् मिस्तय् निर्णायक भूमिका धयागु विषयय् तालिम बियादीगु खः ।

प्रतिनिधि सभा सदस्य कान्तिका सिजुवाल मूपाहाँ जुयादीगु उलेज्या समारोहय् महासंघया महासचिव मंगला कारंजितं लसकुस यानादीगु खः । अथेहे समापन समारोहय् न्ववासें महासंघया अध्यक्ष अम्बिका श्रेष्ठं समग्र विकास प्रक्रियाय् स्थानीय सरकारया महत्वपूर्ण भूमिकाय् बः बियादिसें स्थानीय जनप्रतिनिधिपिंत थःपिनिगु कुतःया झ्वलय् लैंगिक दृष्टिकाणं नं स्वयादीत इनाप यानादीगु खः ।

सम्बन्धित बुखँ

LEAVE YOUR COMMENTS