स्वक्वःगु राष्ट्रिय एकायन कराते प्रतियोगिता क्वचाल

येँ –  नेपाल एकायन कराते संघया ग्वसालय् वंगु माघ ११ व १२ गते निन्हुयंक थनया खुसिबुँइ च्वंगु जुडो हलय् एकायन कराते राष्ट्रिय धेंधेंबल्लाः कासा–२०७५ जुल । कासाया उलेज्या नेपाल ओलम्पिक कमिटीया नायः नापं सांसद् जीवनराम श्रेष्ठं यानादीगु खः ।

संघया संस्थापक नायः श्रीकृष्ण डंगोलया अध्यक्षताय् जूगु ज्याझ्वलय् कासाय् २५ केजी तौल समूहया कासाय् अनिज क्षेत्री, ऋषभ रौनिया व रबि बहेलिया, ३० केजी तौलय् एलिश राई, कृष्ण भुसाल व विज्ञान बस्नेत, ३५ केजीइ सोम घले, रिजन पौडेल व नारायण तामाङ, ४० केजी तौलय् अनिश भुसाल, युगेश लामा व अमिर पाण्डे, ४५ केजीइ मुस्कान पुनमगर, विशाल सुन्दास व मनिश पनेरु, ५० केजीया कासाय् धनराज तामाङ, नरेश चौधरी व कृष्ण चौधरी व ५५ केजीया कासाय् बिजयन राई, सुदिप राई व जनिप परियारपिं न्हाप, लिउ व लियांलिउ लाःगु खः ।

अथे हे मिसापिनिगु कासापाखे ३० केजी तौल समूहय् रोजिना लामा, आकृति क्षेत्री व मनिशा लामा, ४० केजीइ मुना लामा, युनिशा राउत व सानुमाया लामा, ५० केजीइ मनिशा घले, प्रकृति स्थापित व दीक्षा राई छसिकथं न्हाप, लिउ व लियांलिउ लाःगु खः ।कासाय् विजयी जुयादीपिं सकसितं येँ महानगरपालिकाया उपमेयर हरिप्रभा खड्गी श्रेष्ठं शिल्ड व दसिपौ लःल्हानादीगु खः ।

 

 

सम्बन्धित बुखँ

LEAVE YOUR COMMENTS