न्यय्न्यापाःझ्याः दरबार खुल्ला

ख्वप – ख्वपया नांजाःगु न्यय्न्यापाःझ्याः दरबार आः सर्वसाधारणया लागिं खुल्ला जूगु दु । २०७२ सालया तःभुखाचय् क्षति जूगुलिं उगु दरबार सर्वसाधारणया लागिं बन्द याना तःगु खः । आः स्यं–ल्ह्वं लिपा हानं खुल्ला याःगु खः । ख्वप नगरपालिकां दरबार खुल्ला याये न्ह्यः पुरातत्वविद्तलिसे सल्लाह नं याःगु खँ धाःगु दु ।

काष्ठकलाया लागिं विश्वय् हे नांजाःगु थ्व दरबार दुने अंगः अंगलय् च्वयातःगु अंगःकिपा अतिकं लोकंह्वाः । तत्कालीन मल्ल जुजुपिनि पालय् च्वयातःगु थ्व अंगः किपायात अतिकं सुरक्षित यानातःगु दु । थ्व दरबार दुने स्वयेगु दकलय् महत्वपूर्ण पक्ष थ्वहे अंगःकिपा खः ।

न्यातँपौया लागिं गाडी निषेध ः
थ्वहे झ्वलय् आः वइगु माघ १ गतेनिसें ख्वपया क्वाछेँ, स्वपुंग भैरव, चतुर्ब्रम्ह महाविहारया पूर्वी लँपु व तीलमाधव नारायण देगःया पूर्वी ध्वाखा चलाखु थुलि चारकिल्ला दुने प्यचाः पांग्रा दुगु गाडीयात प्रवेश निषेध यायेगु निर्णय ख्वप नगरपालिकां याःगु दु । ख्वप नगरपालिकां विश्वप्रशिद्ध न्यातँपौ देगःया सुरक्षायात ध्यानय् सुथय् ७ निसें बहनी ७ बजे तक अन गाडी निषेध यायेत्यंगु खः ।

सम्बन्धित बुखँ

LEAVE YOUR COMMENTS