ससफो ४ वडाया न्हापांगु अधिवेशन

येँ- संघीय समाजवादी फोरम (ससफो) नेपाल येँ महानगरपालिका ४ वडाया न्हापांगु वडा अधिवेशन जुल । ससफो ४ वडा कमिटीया अध्यक्ष छकबहादुर राईया अध्यक्षताय् जूगु ज्याझ्वःय मूपाहां पार्टीया सहअध्यक्ष राजेन्द्र श्रेष्ठं अधिवेशनया उलेज्या यानादीगु खः ।
ज्याझ्वलय् नवासें प्रतिनिधिसभाया सांसदतकं जुयादीम्ह पार्टी सहअध्यक्ष श्रेष्ठं जग बल्लाःसा जक छेँ बल्लाइ धासें पार्टीया जग धइगु हे संगठन खः धयादिल ।

पार्टीं स्वतःस्फूर्त रुपय् मखसे संगठनया बलय् आन्दोलन व निर्वाचनय् सफलता हासिल याये फइगु शक्ति निर्माण यायेफु धासें त्वाः त्वालय् संगठन दयेका वनेमाःगु खँय् बः बियादिल । सन् १८४७ य् जातीयताया आधारय् कुचा दले धुंकूगु स्वीट्जरल्याण्डयात संघीयता, समानुपातिक व समावेशितां हाकनं छगू हे याना हयेत सफल जूगु दसु न्ह्यब्वयादिसें झीगु देशय् नं स्थायी शान्ति व समृद्धिया निंतिं केन्द्रय् संघीय शासन व प्रदेशय् स्वशासनया आवश्यक जूगु धयादिल । लिसें वय्कलं नेपालय् नं शान्ति व समृद्धिया निंतिं पहिचानसहितया संघीय शासनया आवश्यक दु धयादिल ।

अधिवेशनय् पार्टीया केन्द्रीय दुजः नापं पार्टी संगठन विभागया सचिव ध्यानबहादुर राई, पार्टी केन्द्रीय दुजःलिसें ३ नं. प्रदेशया अध्यक्ष लालबहादुर तामांग, केन्द्रीय अनुशासन समितिया दुजः दीपक राई, जिल्ला समितिया दुजः शंकर लिम्बु, पार्टी जिल्ला सदस्यलिसें महानगर समितिया अध्यक्ष मंगलरत्न ताम्राकार लगायतं नुगःखँ तयादीगु खः । उगु अधिवेशनं राईया हे अध्यक्षताय् गुम्हेसिया न्हूगु वडा समितिया नं न्हूधाः याःगु खः ।

सम्बन्धित बुखँ

LEAVE YOUR COMMENTS