ससफो सुप प्रदेशया अभिमुखीकरण

येँ –  संघीय समाजवादी फोरम (ससफो) नेपाल सुदूरपश्चिम प्रदेशया ग्वसालय् निन्हुयंकंया अभिमुखीकरण व प्रशिक्षण ज्याझ्वः जुल । कैलालीया अत्तरियाय् जूगु ज्याझ्वःया उलेज्या मूपाहां लिसें पार्टीया सहअध्क्ष राजेन्द्र श्रेष्ठं यानादीगु खः ।प्रशिक्षण ज्याझ्वलय् नवासें सहअध्यक्ष श्रेष्ठं नेपाःया संघीयता दक्ष प्रजापतिया छ्यं थें जक जूगु धासें एकात्मक म्हय् संघीयताया छ्यं जक घाकातःगु धयादिल ।

प्रदेश नं. ७ या नां सुदुरपश्चिम तयेगु ज्यां जुजु महेन्द्रया उत्तराधिकारीया रुपय् थःपिंत न्ह्यःने हयेगु ज्या याःगु धासें सुदूरपश्चिमया नां शासनसत्तायात केन्द्रय् हे तयातयेगु उपज नं जूगु द्वपं वय्कलं बियादिल । प्रदेश इन्चार्ज दानबहादुर विश्वकर्माया सभापतित्वय् वासुदेव रानाथारुं लसकुस यानादीगु ज्याझ्वलय् पार्टी उपाध्यक्ष हेमन्त राई व युवराज कार्कीं प्रशिक्षण बियादीगु खः ।

सम्बन्धित बुखँ

LEAVE YOUR COMMENTS