नेपाल प्रहरीया आउटराइडर्स उन्नत तालिम

येँ- राष्ट्रिय प्रहरी प्रशिक्षण प्रतिष्ठान महाराजगंजया तत्वाधानय् प्रहरी प्रधान ज्याकू सवारी महाशाखाय् संचालन जूगु न्हय्क्वःगु मोटरसाइकल आउटराइडर्स उन्नत तालिम क्वचाःगु दु । मंगलवाः जूगु तालिम समापन ज्याझ्वलय् महाशाखाया प्रमुखलिसें प्रहरी वरिष्ठ उपरीक्षक ई. नरोत्तमलाल प्रधानं तालिमं सवारी साधनय् ईकथं वइगु न्हूगु प्रविधिया ज्ञान बीत ग्वाहालि याइगु विश्वास प्वंकादिल ।

तालिमया प्रशिक्षार्थीतय्सं थःपिंसं सयेकागु ज्ञान, सीप प्रयोग यानाः कार्यक्षेत्रय् क्वःछिनातःगु जिम्मेवारी पूवंकेमाःगु खँय् वय्कलं बः बियादिल । प्रहरी नायब उपरीक्षक ई कमलेन्द्रलाल कर्णं तालिम सम्बन्धी प्रतिवेदन न्ह्यब्वसें झिंखुन्हुया कार्यविधिया उगु तालिमय् प्रहरी नायब निरीक्षक, प्रहरी सहायक निरीक्षक, प्रहरी हवल्दार, प्रहरी जवानतय् सहभागिता दुगु जानकारी बियादीगु खः ।

 

सम्बन्धित बुखँ

LEAVE YOUR COMMENTS