धर्मपथय् च्वंगु सहकारीया हाकीम ज्वन

येँ- बचतकर्ताया च्यागू करोड स्वयां अप्वः ध्यबा हिनामिना याःगु द्वपनय् एयरटेल सहकारी संस्थाया प्रबन्ध निर्देशक अशोक गोयलयात ज्वंगु दु । येँया धर्मपथय् च्वंगु थ्व सहकारीया अध्यक्ष सुमन केडिया सहित न्याम्ह बिसिउँ वनाच्वंगु दु । अध्यक्ष केडिया प्रबन्ध निर्देशक गोयलया कलाः खः ।

किटानी जाहेरीया आधारय् गोयलयात ज्वंगु खः । सहकारीपाखें ठगे जूगु धासें पीडिततय्सं सहकारी डिभिजन कार्यालयय् उजुरी बिउगु दु । उजुरी बिउपिं आपालं धइथें मारवाडी समुदायया व्यवसायी जूगु खँ सीदुगु दु । उमिगु ५० करोड स्वयां अप्वः दां अन फँसे जूगु खँ धाःगु दु ।