इतिहास संशोधनयात डा. मल्लया एटम बम

येँ – ‘डा. कमलप्रकाश मल्लं च्वयादीगु ‘नेपालको इतिहास संशोधकहरूको उत्थान र पतन’ धाःगु सफू थनया तःधं धाःपिं इतिहासकारतय् लागिं छगः एटम बम हे खः ।’ वाङ्मय शताब्दी पुरुष सत्यमोहन जोशीं डा. मल्ल बारे थःगु बिचाः तसें थ्व खँ कनादीगु खः । मदुम्ह डा. मल्लया लुमंतिइ म्हिगः जूगु बिचाः मुँज्याय् न्ववासें भाजु जोशीं नेपाःया फुक्क हे इतिहासकारतय्त खिसि याइगु इतिहास संशोधन मण्डल विरुद्ध थुलि च्वयेगु नं तःधंगु साहस जूगु खँ कनादिल ।

वरिष्ठ पत्रकार कनकमणि दीक्षितं नेपालय् समावेशी धइगु खँग्वः हे बांलाक प्रयोगय् मवःनिगु इलय् डा. मल्लं उकिया लागिं थःगु बिचाः तयादीगु खँ कनादिल । भाषाविज्ञान समाजया नायः भीम गिरीं डा. कमलप्रकाश मल्लं भाषा विज्ञान बारे २० दँ न्ह्यः च्वःगु कार्यपत्र तकं सान्दर्भिक जूगु खँ कनादिल ।

दुर्गालाल श्रेष्ठ व राजभाई जकःमिं कविता पाठ यानादीगु उगु ज्याझ्वलय् नेवाः देय् दबूया नायः नरेश ताम्राकार व जनजाति महासंघया न्वकु गोविन्द छन्थ्यालपिंसं नं न्ववानादीगु खः । ज्याझ्वः न्यागू नेवाः संस्थाया मंकाः ग्वसालय् जूगु खः ।

सम्बन्धित बुखँ

LEAVE YOUR COMMENTS