
येँ – गौतमबुद्ध जन्म जूगु लुम्बिनीयात ‘पञ्चशील क्षेत्र’ घोषणा याःगु दु । पञ्चशील क्षेत्र घोषणाया लिसें आः लुम्बिनी गुरुयोजनां कःघाःगु क्षेत्र दुने पशुपंक्षी स्याये मदुइग, ला नयेगु व अय्लाः थ्वँ त्वनेगु निषेध याःगु दु । संस्कृति, पर्यटन तथा नागरिक उड्डयन मन्त्री रविन्द्र अधिकारीं म्हिगः छगू ज्याझ्वःया दथुइ लुम्बिनीयात ‘पञ्चशील क्षेत्र’ घोषणा यानादीगु खः ।
वय्कलं थुकिं लुम्बिनीया छबी अझ उचाइलय् थ्यनाः पर्यटन प्रवद्र्धनय् ग्वाहालि जुइगु खँ कनादिल । बौद्धमार्गीतय्सं लुम्बिनीइ च्वंगु होटलय् ला व अय्लाः निषेध यायेमाःगु माग याना वयाच्वंगु खः । न्हापा थन पिकनिक वइपिंसं ला व अय्लाः छ्यलाबुला यानाच्वंगु खःसा लुम्बिनी चाःहिउ वइपिं बौद्धमार्गीयात थुकिं लिच्वः लानाच्वंगु धासें सरोकारवालातय्सं चिउताः प्वंकेगु यानाच्वंगु खः ।
LEAVE YOUR COMMENTS