राज साय्मिया पामिलायात सिरपाः

येँ – नांजाःम्ह जासुस उपन्यासकार भाजु राज साय्मिया ‘पामिला’ उपन्यासया निंतिं थुगुसीया मथुरा साय्मि सिरपाः लःल्हाःगु दु । मानन्धर समुदायं च्वयादीगु सपूmयात जक बीगु ल्याखं नेपालभाषा साहित्यय् नांजाःम्ह आख्यानकार मथुरा साय्मिं थःगु नामं उगु सिरपाः स्वनादीगु खः ।

सिरपाःया निंतिं थीथी च्वमिपिनिगु सपूm दुहां वःगु खःसा छनोट समितिं उपन्यासकार साय्मिया पामिलाया निंतिं सिरपाः बीगु क्वःछिउगु खः । वंगु मंगलवाः केन्द्रीय मानन्धर संघया ६७ क्वःगु पलिस्था दिंया लसताय् लाकाः उगु सिरपाः लःल्हाःगु खः ।

संघया उपसभापति बद्रीनारायण मानन्धरं दोसल्लां न्ययेकादीगु ज्याझ्वलय् वय्कःयात संघया सभापति मनोज मानन्धरं दसिपौ व दाता साय्मिं दां तका झिद्वः लःल्हानादीगु खः।