बलिउडया ‘पावर कपल्स’या रुपय् चर्चित दीपिका पादुकोण व रणवीर सिंहया इहिपा थौं जूवनाच्वंगु दु । निम्हेसिया दथुइ वंगु ६ दँ न्ह्यवंनिसें यःत्यः जुयाच्वंगु खःसा थौं निम्हेसिनं उकियात इहिपाया रुप बीत्यंगु खः । इमिगु इहिपा इटालीया लेककोमोस्थित भिल्ला डेल बेलबियानेलोय् जुइ ।

दीपिका व रणवीरया इहिपायात बलिउडया सेलिब्रिटीतय् आतकया हे दकलय् भव्य इहिपाया रुपय् कयातःगु दु । थःपिनिगु इहिपा जुइ लछि न्ह्यवंनिसें हे निम्हेसिनं नं सामाजिक संजालय् इहिपाया दिंयात सार्वजनिक याना वयाच्वंगु खः । दीपिकां थःगु इहिपायात यादगार याना तयेगु निंतिं छुं हे कसर मल्यंकेकथं इहिपा यायेगु थाय्या रुपय् इटालीयात ल्यःगु खः ।

इटालीया थ्व थाय् तसकं लोकंह्वाःगु जक मखसे इहिपाया ज्याझ्वः यायेत अतिकं बांलाःगु थाय् नं खः । थौं व कन्हय् निन्हुयंकं इहिपाया ज्याझ्वः जुइ । इटालिया लेक कोमोय् थ्व स्वयां न्ह्यः जर्ज क्लोनी, किम कार्दशियन व इशा अम्बानी थेंज्याःपिनिगु नं इहिपा जुइधुंकूगु थाय् खः ।

सम्बन्धित बुखँ

LEAVE YOUR COMMENTS