७५ दँ दुम्ह ज्याथःया म्युजिक भिडियो

येँ(नेपालभाषा टाइम्स)- उमेरं ७५ दँ दुम्ह जुजुभाइ तुलाधरया सलय् दुथ्याःगु म्येँया म्युजिक भिडियो पिदंगु दु । नेपालभाषा संगीत ख्यलय् पिलूवःम्ह ज्याथःम्ह म्येँ हालामि तुलाधरया ‘मन त्याका काये धुसेंलि’ म्येँया म्युजिक भिडियो पिदंगु खः ।

भाजु तुलाधरया थ्व स्वयां न्ह्यः ‘लक्का पठ्ठाया उमेर’ व ‘नीच्याम्ह बुद्ध’ बौद्ध भजनया म्येँ पिदनेधुंकूगु दु । म्येँ हालामि तुलाधर व वय्कःया जहान मंगललक्ष्मी तुलाधरया न्ह्यब्वया म्येँया म्युजिक भिडियोया निर्देशन व सम्पदान सुरेन्द्र तुलाधरं यानादीगु खः ।

भूपेन्द्र वज्राचार्यं लसय् हनादीगु म्येँया म्युजिक भिडियोया छाँयाकन देवेन्द्र महर्जन व सुमन चित्रकारं यानादीगु खः । म्युजिक भिडियोय् रुपेन्द्र श्रेष्ठ ‘थक्वाःमि’, भोगेन्द्र मानन्धर, रोजिना सुवाल, भिंतुना जोशी, रेमा श्रेष्ठ, सिर्जना प्रधानं अभिनय यानादीगु दु ।

म्युजिक भिडियोयात कयाः वरिष्ठ निर्देशक विजयरत्न असंबरे, नांजाःम्ह निर्देशक, कलाकार रामकृष्ण खड्गी, ल्याय्म्ह निर्देशक विश्वास वज्राचार्यं नुगःखँ तयादीगु खः ।

सम्बन्धित बुखँ

LEAVE YOUR COMMENTS