पर्यटन दिवसय् मिसातय् साइकल ¥याली

येँ – विश्व पर्यटन दिवसया लसताय् लाकाः मिसातय् छगू पुचलं सचेतनामूलक साइकल ¥याली पिदन । न्यय्म्हं मल्याक मिसा साइकल यात्रीतय्सं ब्वति काःगु उगु ¥याली सख्वपया पुलांगु थिमिं शुरु जुयाः येँया भृकुटीमण्डपस्थित नेपाल पर्यटन बोर्डय् थ्यंकाः क्वचायेकूगु खः । पर्यटन बोर्डय् उगु ¥यालीयात संस्कृति, पर्यटन व नागरिक उड्डयन मन्त्री रवीन्द्र अधिकारीं सांस्कृतिक बाजंसहित लसकुस यानादीगु खः ।

नासा नेपालया ग्वसालय् जूगु साइकल ¥यालीया उद्देश्य सुन्दर, शान्त व पर्यटकीय देय् नेपाःया विश्वया न्ह्यःने म्हसीकेगु ल्याखं जूगु संस्थां जानकारी बिउगु दु ।
ज्याझ्वलय् नवासें मन्त्री अधिकारीं सवारी साधन चले याइपिंसं सवारी चले यायेबलय् नालेमाःगु सावधानीयात नं ध्यान बीमाःगु खँय् बः बियादिल ।

अथे हे संस्थाया साइकल ¥याली समितिया संयोजक अञ्जु वज्राचार्यं मिसा व मिजंत सवारी साधनलिसें प्रविधिया ख्यलय् नं समान जूगु व संचालन क्षमताय् नं समान दक्षता प्राप्त जूगु धयादिल । लिसें वय्कलं वइगु दिनय् संस्थापाखें मिसातय्त मोटरसाइकल चले यायेत माःगु आवश्यक तालिम बीगु नं जानकारी बियादिल ।