किपुलिइ थीथी ख्यःया न्हय्म्हेसित हना

किपू – उस्ताद गोविन्द किपू फाउण्डेसनं ज्येष्ठ नागरिकलिसे‌ थीथी ख्यःया न्हय्म्ह व्यक्तिपिंत छगू ज्याझ्वःया दथुइ हंगु दु । फाउण्डेसनया सल्लाहकार सुकराम महर्जनया सभापतित्वय् न्ह्याःगु ज्याझ्वलय् मूपाहां ख्यालिजुजु मदनकृष्ण श्रेष्ठं कुतिसाः त्वाःया नीस्वम्ह ज्येष्ठ नागरिकयात सम्मान यानादीगु खः ।

उगु हे ज्याझ्वलय् थीथी ख्यलय् यो गदान बियादीपिं वरिष्ठ गितारवादक अनिल शाही, वरिष्ठ संगीतकःमि नापं गो विन्द किपूया शिष्य राजु महर्जन, नांजाःम्ह कलाकार पल्पसा डंगोल, समय् बजिया सुरेन्द्र मानन्धर, पत्रकार श्रीकृष्ण मानन्धर, बासुरीवादक विनय महर्जन, वरिष्ठ वाद्यगुरु हरिलाल श्रेष्ठयात नं दोसल्लां न्ययेकाः तपुलिं पुइकाः हनेज्या याःगु खः ।

फाउण्डे सनया छ्याञ्जे जयकृष्ण मानन्धर‌ लसकुस यानादीगु ज्याझ्वलय् विशेष पाहांकथं प्रदेश ३ या सांसद पुकार महर्जन, अनक कन्स्ट्रक्सनया श्रीराम महर्जन झायादीगु खःसा पाहांकथं किपू नगर पालिका १ वडाअध्यक्ष हर्ष महर्जन, २ वडाअध्यक्ष रमेशमान डंगोल, ३ वडाअध्यक्ष राजे न्द्र महर्जनपिं झायादीगु खः ।

सम्बन्धित बुखँ

LEAVE YOUR COMMENTS