पुलिस क्लब आहा रारा गोल्डकपया फाइनल

येँ–नेपाल पुलिस क्लब पोखराय् न्ह्यानाच्वंगु आहा रारा गोल्डकप फुटबलया फाइनलय् दुहां वंगु दु । थौं जूगु निगूगु सेमीफाइनल कासाय् विभागीय टीम पुलिसं धरान फुटबल क्लबयात १–० गोलं बुकाः फाइनलय् दुहां वंगु खः ।
पुलिसया निंतिं छगू जक निर्णायक गोल कासाया न्हापांगु हाफया २२ औं मिनेटय् सुजन लामां याःगु खः ।
आः उपाधिया निंतिं वइगु शनिवाः जुइगु फाइनलय् पुलिसं रुस्लान थ्रीस्टार क्लबनापं म्हिती । थ्रीस्टारं न्हापांगु सेमीफाइनलय् बंगलादेशया उत्तर बरीधारा फुटबल क्लबयात ५–० गोलं बुकाः फाइनलय् दुहां वंगु खः ।