बामदेवया द्वपं फुक्क पूर्व एमाले नेतातय्त

येँ – येँ ७ नम्बर क्षेत्रया सांसद रामवीर मानन्धरं बियादीगु राजीनामा पार्टीं अस्वीकार याःसां नं नेकपाया वरिष्ठ नेता वामदेग गौतमं उपचुनाव यानाः जूसां संसदय् दुहां वनेगु कुतः धाःसा अझं त्याग याना मदीनिगु खँ धाःगु दु ।

नेता गौतमं थःगु लागिं ७ नम्बर क्षेत्र खाली यायेत अनया सांसद रामवीर मानन्धर तयार हे जुइधुंकाः नं पुलांपिं एमाले नेतातय्गु कारणं यानाः उकी ‘ब्रेक’ तये माःगु खः धकाः कनेगु यानादीगु खँ वय्कःलिसे सतीगु सूत्रं धाःगु दु ।

येँया ७ नम्बरं चुनाव ल्वायेत ठिक्क जुइधुंकाः नं लिपा लिचिलादीम्ह वय्कलं थ्व घटना धुंकाः नं चुनाव ल्वानाः प्रतिनिधिसभाय् दुहां वनेगु बिचाः त्याग धाःसा त्वःता मदीनि ।

थःत नापलाः वइपिं मनूतय्त वय्कलं पार्टी दुनेया पुलांपिं एमालेया हे पासापिंसं षडयन्त्र याःगुलिं चुनाव ल्वाये मफुगु खः धासें थ्व च्याप्टर आः हे ‘क्लोज’ मजूनि धकाः कनेगु यानाच्वंगु खँ नं सूत्रं धाःगु दु । पार्टीपाखें सांसद मानन्धरं बियादीगु राजीनामायात अस्वीकार यासें वय्कलं राजीनामा बीमाःगु आवश्यकता मदु धकाः निर्णय याःगु खः । नेता गौतम येँनं चुनाव दनीगु खँ चर्चाय् वयेवं पूर्व एमाले नेतात भीम रावल, ईश्वर पोखरेल आदिपिंसं उकिया विरोध यानादीगु खः ।

सम्बन्धित बुखँ

LEAVE YOUR COMMENTS