रेडक्रस गणबहाल उपशाखाया वार्षिक साधारणसभा

येँ –  नेपाल रेडक्रस सोसाइटी गणबहाल उपशाखाया झिंन्याक्वःगु वार्षिक उपशाखा सभा जुल । गणबहालु उपशाखाया सभापति अमृतनारायण मानन्धरया सभापतित्वय् जूगु उपशाखा सभाया उलेज्या रेडक्रसया पुलांम्ह केन्द्रीय अध्यक्ष रमेशकुमार शर्मां त्वाःदेवाय् मत च्याकाः यानादीगु खः ।

उपशाखाया सल्लाहकार राजकाजी शाक्यं लसकुस यानादीगु ज्याझ्वलय् उपशाखाया सचिव तेजनारायण मानन्धरं वार्षिक प्रगति विवरण व कोषाध्यक्ष पूर्णप्रसाद मानन्धरं आर्थिक विवरण न्ह्यब्वयादीगु खः । उगु हे ज्याझ्वलय् मूपाहांकथं झायादीम्ह रेडक्रसया पुलांम्ह अध्यक्ष शर्मा व नेपाल रेडक्रसया केन्द्रीय महामन्त्री देवरत्न धाःसां उपशाखां पिथंगु ‘रेडक्रस आज’ नांया स्मारिकाया नं विमोचन यानादीगु खः ।

ज्याझ्वलय् पाहांकथं झायादीपिं नेपाल रेडक्रस येँ जिल्ला शाखाया सभापति मथुराराम श्रेष्ठ, पूर्व सभापति मुकुन्दबहादुर प्रधानं रेडक्रसया थीथी पक्षयात कयाः थःथःगु नुगःखँ तयादीगु खःसा केन्द्रीय पूर्व कार्यकारी निर्देशक तीर्थराज वन्तं स्मारिकायात कयाः समीक्षात्मक न्वचु तयादीगु खः । ज्याझ्वलय् विमोचन जूगु स्मारिकया सम्पादकलिसें येँ जिल्ला शाखाया पुलांम्ह मन्त्री संघरत्न शाक्यं सुभाय् देछानादीगु खः ।

सम्बन्धित बुखँ

LEAVE YOUR COMMENTS