केन्द्रीय ज्याकू प्रदेशया मातहतय्

येँ –  एकान्तकुनाय् च्वंगु सवारी चालक अनुमति पत्र ज्याकू आः प्रदेश नं. ३ या मातहतय् वःगु दु । थ्व स्वयां न्ह्यः केन्द्रीय सरकारयात मातहतय् लानाच्वंगु उगु ज्याकू वंगु छुं दिं न्ह्यवंनिसें प्रदेश सरकारया मातहतय् वःगु खः । प्रदेश नं. ३ या भौतिक पूर्वाधार विकास मन्त्री केशव स्थापितं प्रदेश सरकारया मातहतय् वःगु ज्याकूया उलेज्या यानादीगु खः ।

उगु इलय् वय्कलं सेवाग्राहीया अधिकारयात ध्यानय् तयाः यातायात सम्बन्धी विधेयाक याकनं प्रादेशकि संसदय् पेश यायेगु जुइ धयादिल ।
कार्यालय प्रमुख श्यामकुमार सिंहं थःगु ज्याकुथिं सवारी चालक अनुमति पत्र बीगु, नवीकरण यायेगु व प्रतिलिपि व्यवस्थापन यायेगु ज्याय् लगे जुयाच्वंगु व मोहनिया इलय् यात्रुतय्त सहज रुपं सुविधा उपलब्ध याकेत थीथी थासय् अनुमगन याना वयाच्वनागु जानकारी बियादिल ।

दक्ष जनशक्तिया अभावय् नं थःपिंसं न्हियान्हिथं कार्य सम्पादन याना वयाच्वनागु मोटरसाइकल व्यवस्थापन शाखां न्ह्यथंगु दु ।
चालु आर्थिक दँय् हे उगु ज्याकू ३ नं प्रदेश सरकारया मातहतय् वःगु खःसां उकियात व्यावहारिक रुपं कार्यान्वयनय् धाःसा हये मफयाच्वंगु खः ।

सम्बन्धित बुखँ

LEAVE YOUR COMMENTS