महिमा चौधरीयात ब्रेस्ट क्यान्सर

एजेन्सी÷ बलिउड फिल्म अभिनेत्री महिमा चौधरीयात ब्रेस्ट क्यान्सर जूगु दु । भारतीय अभिनेता अनुपम खेरं सामाजिक सञ्जालपाखें महिमाया भिडियो सेयर यासें थुकिया जानकारी बिउगु खः ।

भिडियोय् खेरं न्यंगु न्ह्यसलय् महिमां बे्रस्ट क्यान्सरविरुद्ध ल्वायेत थः छम्ह मचा पाखें प्रेरित याःगु खँ धाःगु दु । ‘क्यान्सर जूगु सिइवं जि अप्वः थें ख्वया हे च्वनेगु । थ्व हे झ्वलय् जिं छम्ह मचायात नापलात । वयालिसे खँ ल्हानाः हे थःत क्यान्सरलिसे ल्वायेत शक्ति वःगु खँ कँसे महिमां धाःगु दु, ‘किमो कयाच्वनागु इलय् जिं अस्पतालय् उम्ह मचा नापलाःगु खः । वयात जिं धया, छंगु वासः ला गुलिचा, जिगु वासः थुलिमछि दु । तर वं धाल, ‘थुकिं हे ला लनीगु खः नि ।’ मचाया धापुतिं जितः साहस बिल ।’