गार्डयात स्याःम्ह थःहे पासा लानाच्वन

येँ- थनया जनबहालय् गार्ड च्वनीम्ह तुलबहादुर तामाङयात वया थःहे पासां स्याःगु पुष्टि जूगु दु । वयात स्याःगु द्वपनय् पासाम्ह राजन क्षेत्रीयात प्रहरीं ज्वंगु दु । वंगु सोमवाः चान्हय् घाःपाः जुयाः ग्वारातुलाच्वंम्ह तामाङयात महानगरीय प्रहरी वृत्त जनेसवां वासः यायेगु निंतिं राष्ट्रिय ट्रमा सेन्टर वीर अस्पतालय् यंकाच्वंगु इलय् लँय् तुं मदुगु खः ।

अनुसन्धानया झ्वलय् राजन क्षेत्री व तामाङ दथुइ ड्युटीया विषयय् विवाद जुइवं क्षत्रीं छ्यनय् अप्पां छ्यानाः स्याना बिउगु खः ।